الستة مفاتيح للاشياء اللي لازم يركزو عليها المديرين التنفيذيين لازم يركزو عليها كل اهتماماتهم

يوم الاحد 24/11/2013 , 21/1/1435 

السلام عليكم ورحمة الله وبركاته

اليوم يوم الاحد بداية الاسبوع بعد يوم جميل جدا بالامس كان يوم رائع ياخي جميل لما تشوف تتفاعل مباشرة مع الشباب ومع البنات ومع الشركات ومع البادرات ومع رجال الاعمال امس كان يوم حافل في مدينة جدة في حدث الاسبوع العالمي لريادة الاعمال كان جدا جميل.
اليوم نتكلم على دورة تدريبية بسيطة تتكلم عن 6 خطوات 6اساسيات لازم تحطها في بالك اذا عندك مشروع
اذا انت مدير اذا انت صاحب فكرة صاحب مشروع اذا مشروعك قائم اذا شركتك قائمة ارجوك انتبه لما سيقال ال6 مفاتيح التي يجب ان يركز عليها اصحاب الاعمال Executive
دحين حنقولها بالانقليزي بس اغش من الورقة
بعد قليل استمع واستمتع اشياء ستغير حياتك بإذن الله.

بسم الله الرحمن الرحيم
والصلاة والسلام على سيدنا محمد وعلى اله وصحبه اجمعين
ربي اشرحلي صدري ويسرلي امري واحلل العقدة من لساني يفقه قولي 
اللهم اجعلنا من الذين هدو الى الطيب من القول وهدو الى صراط الحميد 
اللهم علمنا ماينفعنا وانفعنا بما علمتنا وزدنا يارب علما 
عسى ان يهديني ربي لاقرب من هذا رشدا 
على الله توكلنا 
ربنا افتح بيننا وبين قومنا بالحق وانت خير الفاتحين
 ربنا اتنا الحكمة وفصل الخطاب 
ربنا اتنا من لدنك رحمة وهيأ لنا من امرنا رشدا إنا ان شاء الله لمهتدون.

اليوم ابداع بعد ابداعات رائعة وقصص جميلة جدا حصلت بالامس يعني مااقدر مااعدي الموضوع بدون ما يعني نقول شكرا لناس كثيرين.
شكرا لجامعة جيزان الي ارسلت طلابها خمسة عشرة طالب تكفلت بتذاكرهم وسكنهم ليحضرو اسبوع ريادة الاعمال الدولية امس بعد ماسمعو الخبر على مكس اف ام عالبرنامج بفضل الله
شكرا للشباب المصريين اللي حضرو يعني اسعدوني بالسلام عليهم وباخبارهم الرائعه
شكرا الشباب اااا الشاب اللي من سوريا
وشكرا لجيزان واهل جيزان والتعاون الاخوي الرائع اللي مثل انو الدين الاسلامي لايفرق بين عربي ولا اعجمي الى بتقوى
سوري ومصر والناس اللي جالسين مع بعض ويتعاملو مع بعض وجيين مع بعض فريق رائع جميل جدا
شكرا لشباب اللي بدأو مشاريعهم من هواياتهم
شكرا للناس اللي بدأو وعلمونا من ابداعاتهم ومن خطواتهم الرائعه
شكرا لكل اللي حضرو
شكرا للمبادرات الجميله المبدعه اللي ماباقي تقول للشاب الا اتفضل قوم سير انسان ناجح بس مابي مافي مالك عذر
خايف من دين خايف من قرض؟!
انت عارف انه في مبادرات بتعطيك فلوس وما تبغاك ترجعها؟!
نجحت الله يباركلك مانجحت الله يسامحك!!
ياخي الحمد لله على هذا البلد.
استمع واستمتع
نجي لموضوع اليوم
عارف اكيد بتسأل ايش الناس اللي بيعطوك فلوس بدون مايرجعوها وايش وايش هذي انت شاء الله في حلقات قادمة خليك متابع البرنامج واذا عندك اصحاب عندك صاحباتك رسليلهم رابط البرنامج الان!!

http://www.youtube.com/channel/UCAlshVeQYwqkSPwd4UzZQUw?feature=watch

http://www.mixfmsa.com/live

يعني هذا الرابط من أي مكان يشغلوه عالانترنت
عالاندرويد في mix fm ksa ادخل اكتب mix fm ksa في الابلكيشنز حتلاقي تطبيق لمكس اف ام تقدر تسمعنا عليه مباشرة.
اما الان الموضوع المهم جدا جدا جدا جدا كثير من الناس يبغو يبدأو مشاريع كثير من الناس عنده حلم عنده اشياء كثيرة يبغى يعملها
Six keys for things that should be on the executives to focus them all interests
الستة مفاتيح للاشياء اللي لازم يركزو عليها المديرين التنفيذيين لازم يركزو عليها كل اهتماماتهم..ليش؟!
لانو هذي الاشياء اللي ممكن تخربلك مشروعك اذا انت مانجحت فيها.
الستة مفاتيح اللي حناقشها هيا استراتيجيه يعني انت فين رايح في مشروعك؟!
مو يلا يلا *يضرب يدينه في بعض اعتقد ههههه* حماس صاحبي بدأ مشروع انا ابغى ابدأ مشروع!!
هل انت تحب هذا المشروع؟ فين ناوي فيه؟ فين حتكون بعد سنتين؟ ايش حتعمل فيه مستقبلا؟ هل عندك خطة انك تكبر الموضوع ولا لا؟ استراتيجيتك ايش حيصير فيها؟!
Leadership القيادة:
ايش التفاصيل اللي حنعرفها فالقيادة؟
Management الإدارة:
يااالطيف على الادارة هذي شي ماتتخيل قد ايش مهم ممكن Leader الانسان القائد عنده النظره وعنده Vision وال mission عنده ايش يسموها الرسالة والرؤية وكل الاشياء بس في الادارة هل عندك الادارة اللازمة اللي بتوصلك
يعني انت جالس تحلم وتجيب وتصرف وتحط مبالغ طائلة تجي ادارة ممكن تلخبطلك الموضوع! وكيف ممكن ادارة تساعدك عالموضوع
رابعا Marketing تسويق:
كيف ممكن تعرف الناس بمنتجك؟
عارف انو عندك..امس في شباب عندهم اشياء Systems خاصة بمدارس ومناهج System امريكي جابوه سعودوه واسلموه وغيرو كبرى المدارس حطو فيها اشياء جدا رائعه وغيروها ومدارس دافعه كانت مبالغ على انظمة عالمية غيروها وبدأو بالنظام هذا السعودي الشباب السعوديين رائعين بس مين يعرف عنهم؟
فالخطوة الرابعة Marketing تسويق هل لديك القدرة على التعريف بمنتجك؟
هل لديك القدرة انك تخصص جزء من مشروعك انك تسوقله؟
خامسا الفلووووووووووس على قولت حلمي وماادراك ماالفلوس؟!
الفلوس ايش بتعمل بالفلوس؟
كيف بتتصرف فيها؟
سادسا والاخير هوا انت ,انت صاحب المشروع انت ياالمفكر انت اللي عندك الفكرة انتي اللي عندك المشروع
الان مافي فرق بين شاب وشابه اللي يتحرك يلحق واللي مايتحرك حيجلس يشوف حلمه بعينه يتحقق من احد ثاني
يعني لو تتخيل كمية القصص الرائعة اللي بس امس عرفناها واليوم في بعض الاتصالات والاسبوع هذا من الرياض بإذن الله وصل علي القحطاني من لندن ونبغى نسمع اخباره الرائعه بإذن الله يكون قصة النجاح السعودية اللي انتشرت للعالمية.
كل هذي الاشياء الرائعة حنتعرف عليها اليوم ونعرف قصص جميله ان شاء الله الاسبوع في خلال الاسبوع
بلغ صاحبك بلغي صاحبتك بلغ اهلك خليهم يسمعو عشان يعرفو انت ايش ناوي ايش تفكر فيه.
الاستراتيجية هيا الخطة او الخطوة الاولى اللي حنتعرف عليها بعد قليل..استمع واستمتع.
كاااااابتن ريماااااااااااااااااا والله وحشتنا كابتن ريما كابتن ريما تعشق هذي الاغنية واقولها هذي لكي اهداء سلمولي عليها *صوت غريب مااعرف اكتبه هههه* انا اكلمها ان شاء الله ,,
هذي الكابتن ريما وبعدها نرجع لاول الخطوات رائعه هي الاستراتيجية عندك فكرة عندك مشروع ايش يعني ايش استراتيجية؟! الخطوات اللي حتمشي فيها فين رايح حنعرفها بعد شوية..استمع واستمتع ورقة وقلم تكفى في خطوات وفي معلومات لو ماعرفتها مشروعك مهدد بالخطر, انا مليش دعوه.
كثير من الناس يشتكو يقولك وظفت سعوديين وخرجو وظفت مدري مين ومشيو مافي احد بيجلس ومايشكرو النعمة ومافي التزام ومافي مدري مين والسعودي مو.. يعني الان خصوصا الان هذا الوقت السعودي عنده فرصة جدا كبيرة ففي حاجتين مهمتين جدا جدا جدا ايش هما؟؟ اسمع حلقة اليوم الستة مفاتيح او المجالات اللي يجب ان يركز عليها كل تنفيذي او صاحب مشروع او صاحب فكرة.
المجال الاول او المفتاح الاول هوا: استراتيجيتك!! شوف معلومة مهمة كل انسان يوصل لمرحلة خلاص (بلاتو) يسموها يكرر نفسه يصير خط مس.. يرتفع يرتفع يرتفع يوصل نقطة زي الااااا الخط حق تخطيط القلب لما يوقف طيييييييييييط كذا يثبت , كل انسان عنده قدره عنده طاقة معينة وفي شيء اخر اسمه حاجة السوق لخدمتك ولا لفكرتك ولا لمشروعك ولا لاي شي انت تقدمه ,هذولا الحاجتين مختلفتين قدرتك شي وحاجة السوق شي اخر
يعني انت هل عندك استعداد انو تكبر انك تنمو على سبيل المثال في مشروع لمطعم ناجح جدا وفيه شاب ايطالي ويعني عاملين شي مطبخ مفتوح امام الناس وبيعملو المكرونة في جهة وبيعملو البيتزا في جهة تحس نفسك جالس في ايطاليا و ال ال ال الايطالي هذا غني ما شاء الله عليه وداخل مع ص س م كذا ووو ووحده منهم يعني داخل مع ناس كبار ,لكن هذول الناس مايبغو يكبرو المشروع مبسوطين ان عندهم محل واحد الرجل طموح عنده فكرة عنده شي يبغى يوصلو, فمن اهم النقاط تعرف الشخص اللي تبغى تدخل معاه تبغى تشاركه انت لما تقول الموظف السعودي يمشي من عندك ولما تقول الموظف السعودي ماادري ايش مابيجلس ,في حاجتين بينتظرها أي موظف سواء سعودي او غير سعودي خصوصا الواحد سعودي في بلده وعنده كل هذي الفرص الان اللي موجوده فيبغى يعرف حاجتين انا فين معاك فين حأوصل؟!
الجميل في الشركات الكبرى زي bng ,Unilever هذي الشركات اول ماتجلس يقولولك تعال انت حتدخل معانا في ال Position الفلاني في الموقع الفلاني في المنصب الفلاني بعد فترة كذا حيكون عندك تقييمات على اساسها انت حضرت انجزت عملت حيرتفع فيك ممكن توصل لكذا ممكن توصل لكذا خلال مدري كم سنة حتسير عضو مجلس ادارة مثلا
فهنا الافكار انت تتحمس اجلس في هذا الموضوع عندك البشمهندس هاني خوجة الان عنده مشروع ماشاء الله تبارك الله بالملايين لكن الفكرة انو كان موظف في بي ان جي بدأ موظف جلس 13 سنة ليش تجلس 13 سنة وسعودي؟! وفالبلد وعنده امكانيات وعنده اشياء وبتجي فرص لانه جلس شاف نفسه بيرتفع بيتقدم بيتدرج في الشركة الين اصبح عضو مجلس المدراء على جزيرة العرب كلها في شركة عالمية لدرجة انه مافي مافي منصب اعلى من كذا قالوله مابقي الا تخش شريك بعدين خرج سوا مشروعه.
فليش هذا يجلس 13 سنه ماهو سحر انت فين استراتيجياتك؟ فين ناوي توصل؟
لما تجلس مع شاب سعودي لما تجلس مع مكان!! قوله انو انا استراتيجيتي انو انتو حتكونو معايا في المنطقة الفلانيه ان شاء الله ناوي اكبر وافتح فروع ناوي اعمل  franchise فرانشايز يعني اخذ الاسم التجاري وممكن ابيع الاسم التجاري لاشخاص اخرين انتو الاحق بالفرنشايز ممكن انت اذا جلست معايا سنه انت احق واحد انك ممكن تاخذ قرض واعطيك الاسم حقي حق المحل او حق المجال او حق المطعم او حق المشروع ويصير انا اخذ بس منك نسبة والباقي لك, كذا كسعودي كشاب كأي مكان!! كأي بني ادم اتشجع اني اجلس معاك ومستحد <<يقصد مستعد اتحمل وابعد عن الاغراءات اللي تجيني ,اما غير كذا لا تزعل منو لما يشوف راتب اعلى ب500 ,1000 ريال ويسيبك ويمشي تقول والله جالو 500 ريال مشي !! طب امشي ايوه المكان الثاني افضل! ليش ليش اجلس معاك وماني عارف فين حأروح معاك فين حأكون معاك؟
استراتيجيتك من اهم خطواتك , واهم شي في استراتيجيتك انك انت تكون حابب الشي الي انت تبغى تعمله , لما اشوفك انت تحب عملك انا حتخليني غصبا عني الصق معاك خصوصا اذا انا احب نفس هذا المجال لو احب الشي اللي انت بتعمله وانت شايفك عندك عشق فهذا المجال فأنا معاك.
فقولنا اول شي استراتيجيتك اللي هيا Career path فين حأكون معاك.
الخطوة الثانية: بيئة العمل كيف المكان كيف البيئة كيف التعامل كيف الي انا عايش جوة المكان؟ مرتاح؟!
في ناس بتقول معليش على التعبير في ناس يتضايقو منو بس هوا معناه ملح بالتركي اسمها طزز ,طز فالفلوس طز فالمغريات طز في كل شي اذا انا مرتاح فالمكان اللي انا فيه.
فراحة بيئة العمل والCareer path مشواري معاك فين حأكون؟ اذا وضحت استراتيجيتك ووريت الشخص انه انت في طور تقدم وفي عندي خطط وعندي اشياء وانت حتكون من ضمن الفريق وكل ماجلست معايا حيكون لك فرصة اكبر!! كذا تكسب الناس اللي معاك.
الفقرة القادمة بعد ماتوري الناس هذي استراتيجيتك اول مفتاح تركز عليه كقائد كصاحب مشروع كإنسان تنفيذي.
ثاني خطوة: Leadership القيادة , هذي حناخذها على فقرتين من اهميتها مهمه جدا جدا جدا جدا استمع واستمتع.
تعرف ان اغلب الاشياء اللي نجيبها موجوده عالانترنت واحنا بنترجمها ونشتغل عليها يعني انت لو لغتك الانقليزيه كويسه حتبدع.
ادخل .. اتصل على هذا الرقم خذ 8001210121 شركة الخليج للتدريب والتعليم ادرس انقليزي قوي نفسك حتفيدك فالوظائف حتفيدك في مواقع الكترونيه حتفيدك في شغل في business في تعليم في اشياء كثير ممكن يكون دافع لك , عندهم Direct English عندهم افكار وبرامج مختلفه انقليزي للطب انقليزي لل business انقليزي للاشياء الفنية انت اختار الشي اللي يناسبك وابدأ فيه.
اول مره اتقرأ اول مره اتقررأ ساندي.
ستة مفاتيح يجب ان يركز عليها كل Executive كل تنفيذي كل صاحب فكرة كل صاحب مشروع اتكلمنا السوق له حاجه وطاقتك حاجه اخرى , يعني هذول موضوعين مختلفين هل عندك القدرة انك تكبر نفسك وتنمي نفسك حتى تلبي حاجة السوق؟ هذا واحد..
الاستراتيجية هذي مقدمه كانت الاستراتيجية شغفك واين ستتصل؟!
اخبر فريقك اخبر من معك خلي كل فريق العمل يعرف انو انت حاب اللي بتعمله مستحيل تتخلى عنه وانت حتكون في مكان ناوي انك تكبر عشان هما يفضلو معاك.
هذي كانت الاستراتيجية.
Leadership القيادة خلاص عرفت الناس مين انت وعرفت الناس استراتيجيتك وخطتك!
كيف تقود اسمعها على فقرتين مهمه جدا.
من اهم الخطوات انك تستقطب فريق العمل الرائع تستقطب فريق العمل اللي يكمل بعضه تستقطب..امس كانت فالحفل حق الاسبوع العالمي لريادة الاعمال احد المتحدثيين كان عنده فريق عمل يعني ما شاء الله تبارك الله البراء يعني ان شاء الله قريبا تسمعو قصة النجاح الرائعه فريق العمل كان موجود وعندهم صيحه وحده مع بعض وعندهم اشياء يعملوها مع بعض فالعمل وعندهم اغراءات جاتهم من اماكن مختلفه لكن جلسو مع بعض كيف تلاقي الناس هذول؟ وكيف تستقطبهم؟ هذي خطه اخرى ان شاء الله حتكون في فقرات قادمة ان شاء الله او حلقات قادمة.
لكن فالبداية كيف تستقطب فريق العمل اللي حابب الموضوع؟
يعني نقطة مهمه اتمنى ااا انو في اختبارات تحديد الميول اتمنى تستخدم فالشركات اتمنى تستخدم فالجامعات اتمنى تستخدم في صناديق دعم المشاريع الصغيرة لا تعطي شاب والله عشان عبى الورقة لانو الورقة عبالك اياها الثلاث ورقات حقت دراسة الجدوى ممكن أي شخص يعبيلو اياها ويعلمو كيف يتكلم فيها ويعدي المقابلة الشخصية وياخذ القرض ويتنكب , يعني قبل مااعطيه القرض هل هوا حابب هذا الشي؟ هل هذا الشي ميولو؟
اذا ماكان ميولو وشغفه وحبو حتلاقي الموضوع انه يوصل انو هذا الشاب بطل فالموضوع ودخل نفسه بمشاكل ومديونيات وجاب الكفيل ودخل نفسه فاشياء عائليه مشاكل كبير <<هههه ايش في كلام فهل هذا الانسان الصحيح اللي انت اخترته؟!
اختبارات الميول يمكن تكلف 1000ريال على الشخص ياسيدي 1000ريال منت حتدفع رواتب حتدفع مبالغ والشخص اللي حتختاره خطأ وحتتطر انك تخرجو حيكون خسارة عليك اكبر واكبر, فأهم خطوة تعرف انك اخترت الشخص المناسب اختبارات بسيطه يمكن 1000 ريال قيمتها تعرفك فين نقاط قوة هذا الشخص وفين نقاط ضعفه وايش انسب مكان يشتغل عليه.
احد الاختبارات سواها الاستاذ ايمن جمال,ايمن جمال حائز على جائزة التنافسيه للملك عبدالله حاز على المركز الاول, يقول كان عنده موظف مبيعات يشتغل مبيعات ودراستو مبيعات والسي في حقو كلو مبيعات لما جابو ماجاب ااا ماباع فراح اخذو سوالو الاختبار اكتشف انو نقاط القوة عندو في حاجة اسمها Quality Management ادارة الجودة مسكو قسم ادارة الجودة قلب الشركة قلب, فهنا نفس النقطة هل اخترت الفريق الصحيح هل اخترت الناس اللي عندهم الموهبه عندهم الرغبة عندهم الحب للشي اللي انت تبغاه , هذا واحد فالقيادة اهم شي ياقائد انك تكون تختار صح, ثاني خطوة Inspire them الهمهم اسسهم ياخي واحد جييك شغوف ويحب المجال ومتحمس ويبغى يكون ويبغى يعمل الهمو كيف تلهمو؟ وريه قصص الناس اللي معاك وريه قصص الناس اللي موجودين اللي سبقوكم في المجال وريه .. في شباب سعوديين بدأو مسجات من ايام النوكيا لما كانت الرسالة ماتوصل ماتعدي 50 شخص لما تبغى ترسل يقولك 50 شخص اقصى حاجه انك ترسلهم الرسايل راحو اتفقو مع شركة في جنوب افريقيا وسو حاجة اسمها رسالتي الظاهر دوت كوم ولا مااتذكر ايش الموضوع فيهم لكن امس سمعنا عن القصة وان شاء الله نسمعها قريب بإذن الله في البرنامج سعوديين شاب سعودي وزميله بدأو الفكرة حقتهم وبدأو الخطوة الجميلة حقتهم والان اتفاقيات حيوقعوها مع شركات ويدخلو مساهمة اثنين شباب صغار قصص النجاح اللي نسمعها لشباب صغار يعني فالعالم كلو الان جالسين نسمعها فالسعوديه معد في فرق ترى العالم كلو صار قرية واحدة بأمكانك تستخدم كل المهارات وكل الامكانيات في كل مكان فالعالم , فعندك كيف تستقطب الاشخاص المميزين الناجحين كيف تستقطب فريق العمل الرائع ؟ كيف تلهمهم كيف تحفزهم كيف تقولهم انو فين حتكونو ايش حيكون مصيركم مع بعض .. ابدا طيب لحظة .....الان ارتفع <<ها؟؟ ماعلينا فهذي الفكرة كلها كيف ممكن تجملها هذي خطوتين من خمسة خطوات فالقيادة الثلاث خطوات القادمة بعد قليل فالقيادة.
قولنا استقطب فريق العمل الرائع , الهمهم حفزهم شجعهم .. الفقرة القادمة جدا جدا جدا جدا مهمه لانو في ناس لما يتحفزو يتحمسو ويكبرو ممكن يسيبوك ويمشو!! كيف تحتفظ فيها ؟
اهم شي انو حافظلو ثلاث كذبات حاسبلو ياها وشايف كتاب قنس للارقام القياسية عشان يكملو ثلاث كذبات ويدخلو..الكذب ممكن يخسرك ثقة الناس فيك الكذب ممكن يخسرك ثقة موظفينك فيك زوجتك ابنائك اياك انك تكذب.
قسمناها على فقرتين عشانها مهمه جدا جدا جدا , المفاتيح السته اللي يحتاج يركز عليها كل قائد كل تنفيذي كل صاحب مشروع المفتاح الاول الاستراتيجية اخذناه المفتاح الثاني القيادة Leadership فيها 5 نقاط اخذنا 2 وباقي 3 .. استمع واستمتع طبق.
اتكلمنا فالقيادة انك استقطب فريق العمل الرائع وعرفنا في اختبارات وفي اشياء نتمنى ان شاء الله انها تطبق في شركتك في أي مكان قبل ماتستقطب موظفيك تعرف فين تحط الشخص المناسب في المكان المناسب, Inspire them الهمهم علمهم حفزهم وريهم انو شوف فين الناس فين ممكن نوصل سوا كيف ممكن نكون مع بعض.
الخطوة الثالثه اللي بيشتكي منها كثير من الناس ان كان موظفين ان كان في ايكيا ان كان في مطاعم ان كان في فطور فارس وفي محلات تجارية يعني في كل اماكن الدنيا موظفك متحمس وبيحقق نتائج يجي رجل اعمال يجي شاب يجي شخص اخر يجي يقولو تعال واعطيك راتب زيادة كم تاخذ هنا؟ 7 اديك 10 , 5 اديك 7 يعني كل المغريات ال الناس تبغى تاخذ شي عالجاهز مايبغو يتعبو يدورو ف هوا في حديث (لايبيع احدكم على بيع اخيه) لكن الفكرة فالنهاية ايش اللي يخليني اجلس في شي اسمه retain them حافظ عليهم جبت فريق العمل حرام بعد التعب هذا كلو يضيعو الناس كيف ممكن يكون عندك جدول زيادات مثلا فالرواتب ياخي انت كبرت كبرهم معاك انت استفدت دخلك دخل زيد لهم رواتبهم اعطيهم محفزات اعطيهم اشياء اللي تخليهم يكونو موجودين يعني وريهم انو قد ماتنجز قد ماحأعطيك مو بس فلوس مكانه position ارفعلو منصبة هذا اللي اتكلمناه حتى فالفقرة الاولى فين حأكون معاك واذا قولت اصدق شوف كلمة وصلت بالمريخ هذا يقولك باقي 3كذبات وتدخل التاريخ << يستشهد بالاغنية السابقة هههههه ماعلينا برضو لا تكذب اصحك توعد شخص بشيء وماتنفذ يعني انا محمد باخريبه حبيبي امس قولتلو اتصل عليك فالليل ونمت من التعب <<بسم الله عليك لكن اليوم اتصلت عليه وانا جاي على الطريق فسامحني على التأخير لا Do not promise and you can not do لا تعد بشيء وانت ماتقدر تفعلها اذا ما عملت بوعدك حتخصر ثقة الموظفين فيك تخصر ثقة ابنائك فيك تخصر ثقة شريكك فيك شريكة حياتك لا تجلس تدي وعود, ف retain them يعني حافظ عليهم وريهم حققنا كذا حيصير لنا كذا لاتضغط على نفسك تسوي اشياء فوق طاقتك.
الشيء الثالث او الرابع (لفرج ذم) <<دلعهم بالانقليزي ماعرفت اكتبها دلعهم حسسهم بإمكانياتهم حسسهم بأهميتهم وقع اتفاقيات مع جهات معينة تعاونية عشان هما يكونو لك يكون لهم خدمات اخرى ساعدهم في موضوع الاشياء اللي يتمنوها سيارة سكن اشياء ثانية حسسهم بأنك انت مهتم وكل هذي الخدمات وكل هذي الاشياء اللي تخليك .. علمهم علمهم اعطيهم دورات , امس البراء بيقول جالس يستثمر في موظفينه خصص جزء من دخل الشركة مخصصه فقط للتدريب والتطوير يقول في ناس مايبغو يدربو موظفينهم ولا يطوروهم ليش خايف انه الموظف يكبر عليه ويمشي زي احد الجامعات يقولك مايبغو يوظفو مايبغو يعلمو حقون المختبرات اكثر من البكلوريس لا يبتعثوك لا تعلموه لما يرجع ماحيرضى يشتغل العمل العادي طيب هوا يشوف نفسو جالس مدفون في المكان اللي هوا فيه حيسيبك ويمشي فعلم فريق عملك طورهم دخلهم في دورات تدريبيه ساعدهم كل هذي الاشياء تصب في مصلحة البزنس حقك في مشروعك لاتكون انسان مادي احنا مابنقول كون مادي لكن فالنهاية هذا الفريق لو ماحس بالراحة لو مااستقطبت هذي القيادة نلخصها مره ثانية استقطب فريق العمل الرائع الهمهم وحفزهم حافظ عليهم حافظ عليهم كيف؟ (لفرج ذم) <<دلعهم بالانقليزي ماعرفت اكتبها برضو دلعهم دللهم علمهم اعطيهم دورات تدريبيه ساعدهم في اشيائهم الخاصه حسسهم انو انت معاهم اعمل يوم فال.. زي ما بيسوي عبدالله الغيث حق بي استيديو عاملهم زي السينما في نفس المكتب كل ويكند عندهم فلم هما وعوائلهم ويتجمعو ويجلسو مع بعض عندهم وقت للغدا يتجمعو مع بعض حسسهم بجو العائله اللي موجود هذي خطوات القيادة Management انت قائد وانت محمس وعملت وسويت وعملت ادارتك كيف؟ بعد قليل استمع واستمتع.
ممكن تدرس شبكات في شركة الخليج للتدريب والتعليم ومعتمده عالميا وشهادات عالمية اتصل على 8001210121
خلصت المريخ كابر كباارت كبرت على سيدك؟! اوف اووف اوووف اصاله يعني عمرك لاتتكلم مع موظفينك او مع اولادك او مع أي شخص بالطريقة هذي كبرت على سيدك مره وحده يااصالة يعني صوتك حلو بس يعني مو كذا.
اريج الكبيسي تسمعنا من قطر تقول اكو ناس عندوهم مواهب ابداعات بس ينقصهم الجرأه والمغامرة اذا الشخص ماكان عنده جرأه لاتخاذ الخطوات لا يجلس يتحسف ويقول ياليت , والله لو تسمع الفرص حقت امس والمبادرات الرائعه اللي صايرة امس عمرك ماتكون مكتأب في ذا البلد عندك خخخ شي خورافي ملايين مو ملايين حط عليها كمان 3 اصفار ثانية الاف الملايين يعني مليارات جاهزه لناس اللي عندها الجرأه انها تأخذ خطوة على فكرة في بعض الدعم غير مسترجع مايبغو منك فلوس بس روح ابدأ خذ ذي..
رجعنا لموضوع الستة مفاتيح اللي يحتاج تركز عليها كقيادي ك Executive كصاحب مشروع كصاحب فكرة قولنا المفتاح الاول استراتيجيتك
المفتاح الثاني Leadership قيادتك واتكلمنا عن التفاصيل اللي فيها
المفتاح الثالث Management الادارة
شاب رائع اسمه حسين عبده عنده موهبه رائعه في جلب قطع خاصه فقط في سيارات Mustang السيارة الامريكيه الرياضية المعروفه فيقول الان بيكمل دراسته موعارف يبدأ ايش اسوي ايش اعمل طيب يسيب الشغل لمين؟ System كيف يعني سستم سستم شغلك سستم يعني خطوات يعني لازم يكون عندك شي اسمو 1 2 3 جاك طلب مثلا انا الان جالس اسوي سستم في موضوع الوكاله اللي بنجيب فيها الرعاه والاعلانات والاتصالات والمداخلات لمكس اف ام بنشوف كيف يكون سستم لما يجيني اتصال ايش لازم اسوي اول شي لازم يكون عندي Presentation جاهزه وبعدين ارسلها وارسل تفاصيل العروض المختلفه اشوف العميل ايش اللي يحتاجه 1 2 3 بعدين ارسلو عرض قائمة سعر عشان يوقع عليها اذا ماكان عندك خطوات في شغلك سستم حتجلس توعد الناس اوكي استنى خلاص ان شاء الله اردلك خبر بإذن الله اعملك الموضوع طيب بكرا اسويلك طب منت عارف فين تبدأ ايش تعمل ايش تسوي عندك في شغلك تحتاج من الموظفين يعملو حاجات معينه اذا ماعلمتهم اذا ماحطيتها بالاصح في خطوات لا تجلس تعاتب وتضارب وتزعق وتقول ليش ماسويت كذا؟ طيب يا عمي حطلي ياها اول مايجيني الاتصال ايش اعمل اول مايجيني العميل ايش اعمل؟ ايش الخطوة الثانية؟
عشان يكون الموضوع واضح للكل (...) خلي كل شي مترتب يعني مثلا عندك فريق مبيعات جاهم الاتصال كيف ممكن اول خطوة تصير؟
انت تنبههم تجمع الكل وتقولهم يعني (الاين) حطهم في ترتيب حقون المبيعات يتصلو يرسلو الفكرة لحقون الانتاج مثلا الانتاج يسجلو الفكرة ترسل فالخطوة الرابعه للعميل يشوفها عجبتو عليه تعديلات او ماعليه تعديلات يرسلها مره ثانية وبعدين تترسل الفكرة الكامله ومعاها عرض السعر لتوقيع الاتفاقية النهائيه لازم يكون عندك حتى قولنا سستر في البداية بعدها نظم كل القطاعات كل شي في منظمتك في ال Organization حقتك.
والاخيره (......) ارفع المعدل ارفع الطلبات ارفع الطاقه زي البنوك مثلا يحطو هدف يقولك الان هدفكم في هذي السنة او هذا الربع انكم تحققو كذا اللي بعدها السنه او الربع اللي بعده لاوم يكون عندهم اهداف اكبر السوق بيغلى والدنيا بتتغير والاشياء بتغلى واهداف بتكبر , اذا انت حتى لو كنت في المركز الاول على جميع منافسينك سواء كنت بنك او اذاعه او تلفزيون او برنامج اذا فكرة انك تقول والله انا الاول لا تكلمني حتلاقي اللي وراك جا دعس عليك ومشي *طططق* <<في احد فتح الباب الظاهر عمرك لا تستسم عمرك لاتوقف عمرك لا تكتفي.
بعد الاخبار حناخذ المفتاح الرابع Marketing كيف تسوق لنفسك؟؟؟
قولنا Strategy
Leadership
Management
الان كيف تسوق بعد الاخبار, استمع واستمتع.
6مفاتيح 6مفاتيح لاي تنفيذي لاي صاحب مشروع لاي مفكر لازم تركز عليها لازم تنتبهلها اذا ماركزت عليها صذقني حتوصل لمرحلة موظفيك حيسيبوك احلامك حتتبخر اذا ما ماعرفت , المفتاح الاول الاستراتيجية شغفك ونيتك للتوسع والكبر الكبّر وليس الكبر عشان لا تتكبر على الناس كيف ممكن ال(كرير باث) فين حيكونو موظفينك معاك وايش بعدها فين كيف بيئة العمل حتكون هذي استراتيجيتك وريهم إياها.
Leadership القيادة كانت استقطب افضل الموظفين الهمهم دللهم يعني انتبه على حاجاتهم الخاصه , retain them حافظ عليهم لا يروحو كل واحد بتجيلو فرص ليش يجلس معاك؟ وريه ليه يجلس معاك الثالثة كانت Management الاداره ضع كل شيء في نظام خطوات 1 2 3 رتب كل قطاعات شركتك وارفع الحد للمديرين وللتنفيذ في شركتك.
الخطوة الرابعة والمفتاح الرابع التسويق استمع واستمتع بعد قليل.
ارقام التواصل:
stc 84448
Mobaile 630590
Zan 732222
التسويق المفتاح الرابع فيه 3 نقاط Attract More اجذب المزيد Retain more حافظ على المزيد والاخيره (مكسماي) the value of each client زد قيمة كل عميل , كيف؟ اسمع التفاصيل.
مشروع العياده اللي كنت قبل سنوات بدأته وكان في موضوع تطويل القامه بالعلاج الطبيعي بدون عمليات وماجاب نتيجه الا مع صغار السن ومااتصرح عشان كان اختراع جديد المشكلة اني رحت طبعة بروشورات واشتركت في معرض شباب الاعمال وحطيت عند الباب وصار موقف جدا محرج للناس الموجودين ودفعة مبلغ يمكن فوق 10الاف ريال بس عشان اشترك مع انه كان المبلغ داخل المعرض شي بسيط بس عشان اخذت ضمن الرعاه حطيت يمكن فوق 10الاف ريال بعدين دفعت مبلغ اخر يمكن الفين ريال بس عشان يومين اوزع بروشورات في مركز تجاري وطبعة البروشور كان تصميمها وطباعتها شي مختلف فااا واحد الله يجزاه خير ويستر عليه كان فالمركز التجاري قالي دور على زباينك انت الشريحة المستهدفه مين الناس اللي تبغاهم انت مافي احد تجي بتكلمو على موضوع خاص تجي تكلمه فسوق وتديلو ورقة في يدو ارسل رسائل خاصه sms  ارسل اشياء ممكن تنتشر بين الناس برود كاست اوفر لك واسهلك وروح للاماكن اللي ممكن الناس هذول متجمعين فيها.
بطريقة بسيطة مين عملائك؟ قبل لا تبدأ أي شي لازم تكون عارف الشريحة المستهدفه شوف ايش اللي الحمد لله ياربي لك الحمد من فضل الله الان البرنامج مركز الاول على جميع الاذاعات مكس اف ام كانت حلمها انها توصل للمركز الثالث استماعا واعلاناتا في اول سنه من اول سنه فالاعلانات قفزت مكس اف ام للمركز الثاني خلف mbc مباشرة تقدمنا على بنوراما بعدين صار موضوع اخر انو حتى نسبة الاستماع في جده تخطينا بانوراما بعدين على مستوى المملكه باقي فاصل جدا بسيط ما بقي قدامنا الا mbc  ف ولا زلنا ان شاء الله في تقدم ليش ايش التغير اللي صاير وايش الشي اللي مستقطب كل هذي الارقام وكل هذي شرريحه مستهدفة mix fm  مركزه على الشباب 60 الى 70% من المجتمع شباب الناس اللي عندهم الطاقة والقدرة التجمع الرائع اللي حصل فالغرفة التجارية امس المكان امتلئ عن بكرتي ابيه ناس جالسين فالممرات ما شاء الله ليش طاقه شباب عندهم احلام وناس عندهم تحركات خرافيه فهذا كان هدف mix fm  استقطبت شباب انهم يمثلو القناة وبتخاطب الشباب هما الشريحة المستهدفه من 15 ل 35 انت شوف مين شريحتك المستهدفه شوف مين الناس اللي عشان تقدر تسوق منتجك بالكلام شوف فطور فارس مستقطب شباب سعوديين الفكرة كانت من شباب وشابات اللي طلبو عليه في تويتر وفالاماكن كلها فصارو يبغو هما اللي يطالبوه انه يفتح محل عكس كل الاستراتيجيات الناس يقولك اول شوف الناس ايش تحتاج بعدين افتحلهم المكان او المشروع هذا العكس العملاء هما كانو يطالبوه احنا نبغاك افتح مشروع عكس الايه فهذي اول نقطه كيف نستقطب مزيد من الناس.
النقطة اللي اهم منها اللي مايكروسفت اخذتها كشعار المقياس الحقيق لنجاح أي شركة هوا كمية المحافظة على عملائها القدام طب اذا انت عندك عملاء ومتعود عليهم وموجودين وهما ممكن يكونو (....) الظهر اللي انت تستند اليه هما اللي انت معتمد بعد الله على انهم موجودين ودائمي العمل معاك اذا عندك عملاء دائمين انت ماتحتاج ترى يعني انت اذا شغلك ماشي وبتحقق ارباح بعدد العملاء هذول حافظ عليهم اهم نقطه انك تحافظ على عملائك اقولك غلطه صارت في احد المستشفيات؟ في شركة من الشركات مستشفى الجامعه الظاهر كان بيأخذ منهم بمبالغ كبيره من شركات الادويه وكذا بس السداد ما كان متواصل مني فاكر هيا مستشفى الجامعه ولا مستشفى ثانيه سوري السداد ماكان متواصل من المستشفى للشركه انزنقت المستشفى فيوم من الايام وطلبو دواء معين الشركه ايش يقول الموظف حق الشركة؟ ماحنصرفلكم الدواء الا اذا دفعتو المتأخرات اللي عليكم اقولك ضروري ومحتاج تقولي ماحأصرفلكم وماحأعملكم؟!
بالعكس انت لو وقفت معاه في زنقتو وفي موقفه الصعب ممكن تكسب هذا العميل مدى الحياة عمره ماحيقذر يقصر معاك حتعرف هذي النقطه بالتحديد مع علي القحطاني ان شاء الله الثلاثاء او الاربعاء لما نأخذ قصة نجاحه كيف اتعامل مع العميل الفلبيني بكل احترافيه وكيف حفظ هذا العميل يعني مستحيل يتخلى عنه فهذي نقطه جدا مهمه (...) حافظ على عملائك القدامى جاك عميل حافظ عليه.
كيف تحافظ عليه؟ هذي النقطه الثالثه (...) حسس كل عميل انه اهم انسان عندك فالحياه هوا الانسان اللي ممكن تستقبله وتحافظ عليه, مثال النبي عليه الصلاة والسلام سبحان الله العظيم هذا الانسان كان يبتسم لكل الصحابه كان يتعامل معاهم كان يناديهم بأحب الاسماء اليهم لدرجة انو احد الصحابة شاف انو فكر انو هوا احب انسان عند النبي تخيل؟! من كثر ما هوا يتعامل مع الكل انو هوا الاهم!
حسس الناس حسس اولادك حسس بنات في وحده بتواصل معاها ليا فتره الانسانه معزوله في غرفه محد بيتكلم معاها محد بييي يعني ولما تغلط غلطه بسبب الاهمال اللي انتو كأهلها اهملتوها اياه تجلسو تعاتبوها وتحاسبوها وتبغو تضربوها انت ياخي اللي غلطان فالبداية نرجع لقصة النبي عليه الصلاة والسلام الصحابي جا يارسول الله من احب الناس اليك قال عائش يعني يدلع السيده عائشه رضي الله عنها ما قال الاهل ولا ام فلان قال عائش يناديها بأسمها قال ثم من يعني على باله حيكون هوا قال ثم ابوها قال ثم من قال عمر قال ثم من علي الرجال قال خلاص انا بعدهم شوف لاي درجه هوا ماهو احب الناس طلع لهذا الرجل لكن شوف النبي عليه الصلاه والسلام شوف كيف التعامل Marketing اوصل لشريحتك المستهدفه واستقطب المزيد ثانيا Retain them, Retain more  حافظ عليهم بشكل اكبر ثالثا حسس كل عميل انه هوا اهم انسان فالوجود بالنسبه لشركتك.
الفقره القادمه Money فلوووووووووووس لي حكمه فيها.
محمد الطيار ان شاء الله اتواصل معاك بعد قليل واحد ثاني اللي نهاية رقمك واحد واربعين ان شاء الله احاول اتصل معاك فالاغنية <<ها؟! المستشار ايمان ايمان ابشري اتصل ان شاء الله احاول عليكي محمد ذياب مصور رائع ممتع مبدع عنده افكار مشاريع يقول ذكرتني بفكرة مشروعي اللي فشل ياسيدي بوحميد حنتصور ان شاء الله سوا بس الفكره يعني ابدأ حيث انتهى الاخرون؟ طالما في ناس بتنجح في موضوع التصوير فمافي شي يمنعك انت او انتي انك تنجحي شوف الناس اللي نجحت ايش عملو فقط اذا انت جالس تبدأ من راسك فطبيعي ممكن تغلط وترجع تجرب وتعدل غلطك ليش اجرب غلطات وغيري اتجاوزها ابدأ حيث انتها الاخرون.
اسمممممممع كب لا مش هدي اسمع دي ايووووووون مين اللي حتطلع ما با هزرش رامي رقب لكن حنسمع مابهزرش بعد مانسمع الاذان اذان العصر الان, بأقول موضوع مهم جدا الموضوع هوا موضوع الصلاه طبعا بعدها ارجوك ارجوك ارجوك حصن نفسك بعد كل صلاه عارف كم حتاخذ اقرأ قل هو الله احد قل اعوذ برب الفلق قل اعوذو برب الناس حتأخذ منك 30 ثانيه تقرأها 3 مرات هذي دقيقه ونصف اعطيها اية كرسي دقيقتين فقط فقط فقط قبل ما تقوم من سجادتك احمد ولد جيرانا جاب نتيجه اعلى نتيجه في طب الاسنان بعد اختباره مباشرة ىورم فالدماغ وتوف رحمة الله عليه انسانه حققت امتياز وعندها ابداعات مرض في تشخيص اخر انسانه امس وحده بتقولها انتي شكلك منتي سعودي هانتي جميله نزلت حادث سياره فالباب اللي هيا فيه ورجلها تعورها والحوض مايقدرو يتدخلو فيه الاطباء واخرين واخرين ايش حتخسر ايش حتاخذ منك وقت؟ ارجوك ماتقوم من مكانك فالصلاه خلص دقيقتين بس وقوم دقيقتين.
الان معايا اتصال عالتلفون ماحيطلع عالهواء طبعا لكن هذا انسان عنده فكره مبدعه وناجحه وجديده وكل شي لكن عشان مافي System عشان مافي ترتيب عشان مافي نظام ومحاسبه واضحه دخل نفسه في مشكله كبيره جدا لكن الجميل انو بأتصاله الان انو ارسل رساله وقال عنده المشكله الفلانيه انو في قطاعات امس كانوانو في رجال اعمال وفي مستثمرين يدعمو المشاريع اللي فشلت اذا عرفو في اخطاء ممكن تجاوزها وهذا واحد من الامثله ان شاء الله بإذن الله اليوم اول ماارجع اتصل في قطوف والناس اللي كانو يرعو فكرة الامس الرائعه لدعم مشاريع الشباب لانه هذا الشاب يستحق النجاح فعلا افكار خورافه بالارقام ممتازه لكن لخبطتو, وهذي نفس الغلطه اللي انا غلطها في مشروعي واكثر من مشروع 3 مشاريع نفس الغلطه تأخد من هذي الفلوس وتحط في هدي الفلوس وتحط في دا لبس طواقي تلبس انت فالحيط فأنتبه كيف تعمل نظام كيف تتعلم أبدأ حيث انتهى الاخرون مره ثانيه نفس الغلطه بتتكرر لا تكرر غلطتنا.
بعد قليل الفلوس شوف سبحان الله جا على نقطه مهمه هذي النقطه هيا النقطه الخامسه او المفتاح الخامس اللي لازم يركز عليه كل شاب كل شابه قبل مايبدأ مشروعه استمع واستمتع.
يعني سبحان الله العظيم يقول انا التزمت في صلاتي وصرت اجلس جلسات تأمل وقرب من الله وبدأت اشوف رؤى مو رؤى بنت خالتي يعني رؤى يعني احلام كذا انو حينفرج الموضوع مافي شي ما ينفرج بإذن واحد احد النقطه المهمه جدا هيا الفلوس وما ادراك مالفلوس (....fiscal decisions) خذ قرارات ماليه حكيمه رائعه (.....)التي تدعم مشروعك تجيبلك فلوس وتحافظ على نجاحك.
شوف لا تجلس تجمع فلوس من الناس وتعطي من فلوس شخص لشخص وانت ماحافظة على فلوسك ماحافظة على نجاحك لا تجلس تعدل غلطات بسيطه وصغيره اتذكر حلقة التسويف واتذكر الحلقة اللي بعدها كانت فالتسويف في غلطات وفي شكاوي من ناس فين ماسويتلنا فين ماعملتلنا طالع قبل ماتعذل أي شي قبل ماتحط فلوسك فالتعليقات اللي احيانا تكون اسف اني اقول هذا التعبير احيانا تكون تعليقات تافهه وعني شخص يقولك ليه ماسويت كذا سوي كذا طب انا اطالع هذا اللي حأسويه هل هوا شي مهم جدا جدا جدا اني اسوي او في اشياء اهم لازم اعملها؟ ايش الشي المهم اللي يحتفظلي على وجودي يعني اتكلمنا فالمثال اللي انا صار فيا مثلا في احدى المراكز التجاريه الناس يقولك العلب كانت لونها احلى اول <<بصوت بنت وصلنا انو بعنا في بلاستك صحون والناس اشترت لكن دفعنا حق علب بمبلغ طائل والان العلب كل الكميه فالمخزن ماانفتح منها علبه لاننا ماعرفنا ندفع الايجار وخرجنا ف مين الاولى؟ المحافظه Retain حافظ على نفسك عدل الغلطات اللي ممكن تغرقك فالبدايه بعدين ركز على نقاط قوتك انت كل انسان فيه عيوب ومميزات كل مشروع فيه عيوب ومميزات ركز على نقاط قوتك الشي اللي انت متميز فيه عشان الناس بعد كذا ماتنتبه للغلطات البسيطه والغلطات او التعليقات اللي بتوصلك عدل منها ما يمكن ان يغرقك وحافظ على الباقي.
الجميل مره ثانيه انو في رجال اعمال وفي بادرات امس حضورك لافنتات زي حقت امس لمناسبات زي حقت امس اللي تعنى بمشاريع الشباب يعرفك انو في فرص خرافيه الان في رجال اعمال قادرين انهم يدعمو الشباب اللي فشلت مشاريعهم لانو عندهم القدره انهم يشخصو هل هذا المشروع فيه مشكله هذا المشروع عنده القدره انه ممكن يعدل ممكن يعمل وكيف ممكن اساعده وادعمه يرجع ينجح المشروع مره ثانيه من حماسي مع الشاب اللي اتصل مااخذت اسمه حتى لكن لاتستسلم لاتوقف قدامك فرصه قدامك فرص موفرصه وحتشوف في الحلقات القادمه ارسل برودكاست خلي اصحابك يسمعو خلي الناس اللي جالسين يتريقو عليك ولا يقولولك فكرتك مجنونه وهبله وماحتنفع وماحتنجح خليهم يسمعو غير اللي حولك واتغير انت وشاركنا بكرا اذا كان عندك خبر ايجابي.
لكن نرجع مره ثانيه كانت الفلوس خذ قرارات ماليه حكيمه ممكن تنجحك القرار الحكيم هوا مايزيد من دخلك وتحافظ على ارباحك مو اللي يخسرك! انتبه.
النقطه السادسه والاخيره حتكون انت!
اليوم بمناسبة ياسر شباب وبنات مكه الغرفة التجارية في مكه حيكون في لقاء مع اسامه نتو هذا رائد الاعمال اللي جالس يدعم المشاريع ويدعم الابداعات اللي سايره مع ياسر حيكون لقاء رائع يعني ياسر رائع اسامه رائع اثنين رائع اووووه راح المايك اثنين رائعين دخلو في بعض شوف ايش حيسير في مكه حنسمع مين؟؟؟ نسمع *تك تك تك*<<صوت الماوس دي طلع عاشق طلع مغرم هيا كذا صح؟ منصور زايد لازم تكون عاشق مغرم في فكرة مشروعك عشان تبدأ.
المفتاح السادس في المفاتيح السته اللي يجب ان يركز عليها كل ريادي وكل صاحب مشروع الاتصال اللي قبل شويه جدا مؤثر واحد دخل نفسو في مديونيات بالملايين مع انه محتاج الان مبلغ جدا بسيط ممكن يرجع يأخذ هذي القرارات كلها بقرارات رائعه ويرجع العمل بطريقه افضل ويتفادى الغلطات الكبيره اللي اخذها.
المفتاح الاول كان استراتيجيه المفتاح الثاني القياده المفتاح الثالث الاداره المفتاح الرابع التسويق المفتاح الخامس الفلوس وقراراتك فالفلوس المفتاح السادس والاخير والاهم والاكبر ويعني ابقق حاجه على قول علاء يعني The biggest هوا انت ايش بتعمل في نفسك؟
اول نقطه فيك انت في مفتاحك انت (...) حاجتين لازم ترفعها انتاجيتك وتفكيرك لازم يتغير انتاجيتك شوف انت ايش بتقدم وصدقني تقدر تعطي اكثر تقدر تفكر بشكل اكبر وتقدر تطور بشكل اكبر تقدر تقدر تقدر تعمل اكثر يومك 24 ساعه اذا قسمت يومك بشكل طبيعي روح اكتب جدولك من يوم ماتصحى الين ماترجع تنام وشوف المفاجأت شوف البلاوي اللي حتطلع شوف كم ساعه بتمر عليك فاليوم سبهلله رايحه على واتس اب ورايحه على تويتر ورايحه على مدري خصص وقت لواتس اب مااقولك انقطع عن العالم خصص وقت لتويتر لكن مو طول يومك يومك 24 ساعه الساعه الوحده يعني فالسنه كم؟ 365 ساعه ال 365 ساعه قسمها على الدوام الرسمي اللي هوا 8 ساعات زي حق الحكومه والشركات والمدري ايه في بريكات في ساعة البريك اعطيني بس عالثمنيه قسم ساعات العمل الفعليه 8 ساعات عارف كم حيطلع؟ مايقارب 40 يوم 40 يوم عارف كم تساوي؟ تساوي شهرين عمل لانو عندك ايام اجازات شهرين عمل متواصله كأنك اخذ اجازه من عملك ومتفرغ لامرا واحد انت جالس تحلم فيه ويهمك امره اذا اعطيت نفسك ساعه وحده فاليوم مركزها بشكل خالص لموضوع معين ما بالك لو الان اتصلت على شركة الخليج للتدريب والتعليم انك تخصص ساعه فاليوم مثلا انك تدرس انقليزي ساعه فاليوم تدرس كامبيوتر ساعه فاليوم تدرس شبكات تدرس الاساسيات اللي ممكن تكون سبب نجاحك وتساعدك ياسيدي ادرس ماجستير ادرس بكلوريس ادرس كورسات محاسبه غلطة الشاب اللي اتصل عليا اللي الى الان مااعرف اسمه <<احسن بلاش فضايح غلطتو وغلطتي انا انو ماعندنا مانعرف ايش نسوي فالفلوس نشيل من هنا ونحط هنا ونركب ذي على ذي من اول كلاسين حضرتهم في الاكاوتنق حقت المحاسبه جلست اضحك الحمد لله ان شاء الله الاختبار الماضي فل مارك قول ما شاء الله لو سمحت <<ما شاء الله هوا الماده الوحيده ابغى اجيب فيها فل مارك لانو مقروص منها كذا مقروص تحس كذا قرصه من موضوع الماليه من موضوع المحاسبه اذا ما عرفت فين تحط فلوسك وفين تخرج الفلوس وفين تجي بتدخل نفسك في مشاكل طور نفسك زيد انتاجيتك وافتح تفكيرك زيد تفكيرك وسع مداركك كيف توسع مداركك اقرأ احضر دورات احضر مناسبات شوف المنافسين شوف الناس شوف العالم كلو ايش بيسير فيه انت زيد انتاجيتك خصص لنفسك وقت لاستثمارك في نفسك في تطويرك لنفسك ارجوك اقرأ ان شاء الله قريبا نجيب شابه قرأت من المتوسط جلست تقرأ كتب الين وصلت الجامعه وهيا تقرأ كتب ثم لخصت كل هذا في كتاب رائع اصدرته سعوديه هيا اللي اصدرت كتاب ترى مافي فرق بيننا وبين العالم كله احنا بشر وهما بشر لما كنا نعطي لنفسنا وقت نقرأ ونطور ونعمل ونبدع وصلنا الى مالم يصل اليه غيرنا صارت الدوله الاسلاميه من المدينه المنوره انطلقت الى الاندلس في اقل من قرن واحد في اقل من 100 سنه بينما كانوا وربا الان اللي جالسين نشوفهم كانو في عصور مظلمه وعصور وسطى وجلسو قرون حتى يبنو حضاراتهم اذا ليش عندنا منهج عندنا كذا عندنا قران عندنا حديث عندنا صلوات عندنا دعاء ربي احفظنا هذي اول نقطه فيك انت ارفع انتاجيتك وافتح تفكيرك ووسع مداركك الفقره القادمه (Enrich your company or criticizing the growth) نمي شركتك او قدها للنمو , عمرك لا تكتفي باللي انت فيه يعني السعاده بأن ترضى بما انت عليه نعم الله عليك وان تطمح للمزيد مو تطمع تطمح للمزيد انبسط في كل نعم الله اللي عليك الان واطمح للمزيد عشان هذا اللي حيخليك تسوي الحاجتين اللي قولنا عليها تزيد الانتاجيه وتفتح مداركك وتطالع بشكل ابعد وحتشوف هذي بالواقع وبالابداع وبالارقام مع علي القحطاني ان شاء الله نهاية الاسبوع بعد قليل باقي المفتاح السادس اللي هوا انت.
الافكار كثيره ورائعه وممتعه عندنا رساله من باسم خياط لاستاذ فيصل الكاف بس احب استشهد بالرساله مره ثانية "المشكله للاسف الكثير من الرجال يعتقدون ان رفع الصوت على زوجته واهانته لنا عندما تخطأ من اسس الرجوله يجب ان نتغير لان الكثير لا يعرفون ما هو المعنى الحقيقي على ان الرجال قوامون على النساء كما قال بعض العلماء و قولت ان التغافل شي وصفه اجابيه وجميله ويجب علينا العمل بها في بعض المواقف ولكن ليس كل الموقف" هذا كلو مقدمه لاغنية تامر حسني سي السيد في سي السيد بس اعطي عشان تأخذ من يحترم يحترم,عيش ياسيدي مع انه في ناس يستمتعو بأنه يكون عندها سي السيد.
حلقة اليوم اسمها السته مجالات رئيسيه من الاهتمام للتنفيذيين للقاده للناس المبدعين اخذنا المفاتيح الخمسه المفتاح السادس نكمل فيه هو "انت" اتكلمنا في ارفع انتاجيتك وارفع نظرتك تفكيرك (الماينت ست) برمجتك لعقلك لازم ترفعها ولنا كيف تقدر تقود شركتك للنمو (Enrich yourself Ashan grow your business) نمي نفسك عشان ينمو عملك, شوف النقطه عجبتني الحكمه (كان كنست اءءءءء) يعني بأستمراريه عشان نطقها انا عندي مشكله (كونسنت كونسنتلي)( No installation or possible business grows and develops further than the estimated captain) لا يوجد منشأه او عمل ممكن ينمو ويتطور لابعد من قدرت قائده ,يعني اذا انت ماطورت نفسك البزنس حقك ماحيتطور على فكره اذا انت مااتطورت كقائد كصاحب مشروع وموظفينك جلسو يتطورو حتوصل لمرحله مو عارفين يتفاهمو معاك عارف لما تروح لشخص انا ما نحترم الجميع طبعا لما تروح لشخص امي مااتعلم مو امي انا <<مو خاله ساميه امي يعني لايقرأ ولا يكتب وتجي تكلمو في اللغرثمات مثلا فالرياضيات انت في مجال وهوا في مجال مافي تفاهم فالنص بينكم مافي مافي حلقة وصل فالشباب اللي معاك والبنات اللي معاك ان كان فريق عمل ان كان شاب او شابه اللي تحتك لو جلس يتعلم وجلس يطور نفسه جالسين نقول دورهم واعطيهم دورات وعلمهم ودلعهم حيوصلو لمرحله حيكلموك في امر انت منت في انت بعيد عنو انت في مجال اخر يقولك ترى لازم يسير كذا ولازم يسير كذا وانت لا لالالا  لالالا هذي تغنيها على لما تكون لوحدك في البزنس حقك ماينفع ماينفع اصلا انك منت فاهم اللي هما بيقولو فلازم تتطور مافي بزنس حيتطور لابعد من قدر قائده اذا القائد هذا مايعرف اذا القائد هذا مايطور نفسه اذا القائد هذا مايسمح بالتطوير انو يأخذ مجالو فالعمل البزنس ذا حيموت فأنت طور نفسك في كل مجالاتك اذا انت مدير اذا انت موظف اذا انت مالقيت اللي يطورك طور نفسك اعتمد على نفسك ارجوك خصص لنفسك ساعه وحده سميها ساعة التطوير اختارها انت من محل ماتبغى فين ماتكون خذ ساعه ساعه ونص لسورة البقرة قسم يومك ساعات خذ ساعه لتطوير نفسك دورة تدريبيه ساعه على الانترنت ياااااااااااراجل اليوتيوب ماخلا شي ايش ماتبغى تقدر تلاقي فاليوتيوب تقدر تدخل دورة محاسبه قبل ماتدخل مشروع تجاري فيه فلوس لاتأخذ ريال الين ماتعرف فين تصرفه ولاتصرف ريال الا لماتعرف كيف حيرجعلك كيف ممكن يرجعلك المبلغ.
هذي كان <<كلجه او هذا كان <<صلحها المفتاح السادس اللي هوا انت انتهت كل الفقرات الفقره القادمه بعد قليل حتكون معاك ميين احنا خلصنا على فكره يمكن نرجع بس نقول تذكير بالمفاتيح السته مهمه جدا لاي مشروع لاي تنفيذ لاي قائد لاي صاحب مشروع ارجوك لاتهملها.
المفاتيح السته كانت لليوم الاستراتيجيه فين رايح هل انت شغوف فالمكان اللي انت فيه اللي انت تبغاه المفتاح الثاني القيادة استقطب افضل فريق الهمهم دللهم واهتم باهتماماتهم حافظ عليهم لمصلحة عملك, الاداره ضع سستم لتكبر رتب كل شي اقسام خلي الموضوع يمر بترتيب معين فالشركه ارفع سقف التنفيذيين والتنفيذ والانجاز فالعمل , اربعه كان التسويق استقطب المزيد حافظ على المزيد زد قيمة كل عميل على حدى خليه يحس انه هوا اهم شي,المفتاح الخامس الفلوس اعمل قرارات ماليه مهمه اللي تنمي شغلك وتحافظ عليه مو اللي تخسرك اياه واخذنا امثله , واخيررررررررررررا المفتاح السادس انت زيد انتاجيتك وتفكيرك فتح تفكيرك اذا نميت نفسك تنمي البزنس حقك والقاعده الاهم والاجمل اللي عرفتها اليوم (نوبزبز ااااا نو بزنس كونستن كونسستنت)<<كلجاات بالانقليزي المهم الاستمراريه يعني لاعمل ولا بزنس بأستطاعته ان يستمر بالتقدم والانجاز لابعد من قدرة قائده الاعلى.
ياخي اللي شايفه ناجح واللي شايف جسمها حلو اذكر الله قول ماشاء الله لاتتمنى اللي عنده يجيك اسأل الله من فضله
حديث: " أكثر من يموت من أمتي بعد كتاب الله و قضائه و قدره بالأنفس" يعني العين.
لاتقولي مافيا اكلم وحده اليوم اقولها حصني نفسك صارلها حادث تقول اكسل كففففف <<من قلب تكسلي دقيقتين معوذات واية كرسي والموقف الاشهر اللي حصل ايام الصحابه رضي الله عنهم اسمع القصه هذي
 عَنْ مُحَمَّدِ بْنِ أَبِي أُمَامَةَ بْنِ سَهْلِ بْنِ حُنَيْفٍ ، أَنَّهُ سَمِعَ أَبَاهُ ، يَقُولُ : " اغْتَسَلَ سَهْلٌ بَالْخَرَّارِ يعني اغتسل ابوه بالخرار  فَنَزَعَ جُبَّةً كَانَتْ عَلَيْهِ  يعني فصخ القميص اللي كان عليه ، وَعَامِرُ بْنُ رَبِيعِةَ يَنْظُرُ عامر هذا ماشاء الله عليه وحده بوحده إِلَيْهِ ، قَالَ : وَكَانَ سَهْلُ بْنُ حُنَيفٍ رَجُلا أَبْيَضَ حَسَنَ الْجِلْدِ ، فَقَالَ لَهُ عَامِرٌ : مَا رَأَيْتُ كَالَيْومِ دحين سهل اللي شال التيشيرت حقو بس كانو يسموها زمان موتيشرتات وعامر هذا اللي كان بيطالع فيه فأيش قال عامر؟ مَا رَأَيْتُ كَالَيْومِ ، وَلا جِلْدَ عَذْرَاءَ عشان ابيض وجلده حلو يقولك ولا كأنك بنت بكر يعني، فَوُعِكَ سَهْلٌ وَاشْتَدَّ وَجَعُهُ ، فَأَتَى رَسُولَ اللَّهِ صَلَّى اللَّهُ عَلَيْهِ وَسَلَّمَ ، فَأَخْبَرَ أَنَّ سَهْلا قَدْ وُعِكَ وَأَنَّهُ غَيْرُ رَائِحٍ مَعَكَ ، فَأَتَاهُ رَسُولُ اللَّهِ صَلَّى اللَّهُ عَلَيْهِ وَسَلَّمَ . فَأَخْبَرَهُ سَهْلٌ بِالَّذِي كَانَ مِنْ شَأْنِ عَامِرٍ ، فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : عَلامَ يَقْتُلُ أَحَدُكُمْ أَخَاهُ أَلا بَرَّكْتَ ، إِنَّ الْعَيْنَ حَقٌّ تَوَضَّأَ لَهُ ، فَتَوَضَّأَ لَهُ عَامِرٌ ، فَرَاحَ سَهْلٌ مَعَ رَسُولِ اللَّهِ صَلَّى اللَّهُ عَلَيْهِ وَسَلَّمَ لَيْسَ بِهِ بَأْسٌ " امره انه يتوضأ لسهل ويغتسل فيها وسبحان الله اتعافى وحالات كثير سبحان الله اتعافو منها الناس بوضوء العائن او الحاسد انتهت الحلقة وبدأ دورك صلي العصر وحصن نفسك لو سمحت.
سبحانك اللهم وبحمدك اشهد ان لا اله الا انت استغفرك واتوب اليك .. نواف <<اللي يقدم الاخبار بعد انا اقدر

كتابة: نوف nuof_t